Urdu Poetry (Up Dated)

==================================================================
                                  

میری چاہت تھا وہ میری انا بھی تھا

میری چاہت تھا وہ میری انا بھی تھا
میرے خاموش لہجوں کی اک صدا بھی تھا

رہتا تھا صبح شام میرے وجود میں
میری آوازمیرا لہجہ میری ادا بھی تھا

دیتا تھا زخم وہ بے شمار مگر
ہمدرد تھا وہ میرامیری وفا بھی تھا

اب اسکے ذکر پر اکثر خاموش رہتا ہوں
کبھی میری محبت کی وہ انتہا بھی تھا

عجب کشمکش میں تھی زندگی حارث
اسے پوجا بھی تھا دل میں خدا بھی تھا

==================================================================

چھپائے دل میں غموں کاجہاں بیٹھے ہیں
تمہاری بزم میں ہم بے زبان بیٹھے ہیں


یہ اور بات کہ منزل پہ ہم پہنچ نہ سکے
مگر یہ کم ہے کے راہوں کو چھان بیٹھے ہیں

فغاں ہے ،درد ہے ،سوز و فراق و داغ الم
ابھی تو گھر میں بہت مہربان
بیٹھے ہیں

اب اور گردش تقدیر کیا ستائے گی
لٹا کے عشق میں نام و نشان بیٹھے ہیں

ہے میکدے کی بہاروں میں دوستی ساغر
ورائے حد یقین و گماں بیٹھے ہیں
 ============================================== 



کمر باندھے ہوئے چلنے کو یاں سب یار بیٹھے ہیں
بہت آگے گئے، باقی جو ہیں تیار بیٹھے ہیں
نہ چھیڑ اے نکہتِ بادِ بہاری راہلگ اپنی
تجھے اٹھکھیلیاں سوجھی ہیں، ہم بیزار بیٹھے ہیں
تصور عرش پر ہے اور سر ہے پائے ساقی ہر
غرض کچھ اور دُھن میں اس گھڑی میخوار بیٹھے ہیں
بسانِ نقش پائے رہرواں کوئے تمنا میں
نہیں اٹھنے کی طاقت، کیا کریں، لا چار بیٹھے ہیں
یہ اپنی چال ہے افتادگی سے اب کہ پہروں تک
نظر آیا جہاں پر سایہِ دیوار بیٹھے ہیں
کہاں صبر و تحمل، آہ ننگ و نام کیا شے ہے
یہاں رو پیٹ کر ان سب کو ہم یکبار بیٹھے ہیں
نجیبوں کا عجب کچھ حال ہے اس دور میں یارو
جہاں پوچھو یہی کہتے ہیں ہم بیکار بیٹھے ہیں
بھلا گردش فلک کی چین دیتی ہے کسے انشا
غنیمت ہے کہ ہم صورت یہاں دوچار بیٹھے ہیں
==================================================




بھنویں تنتی ہیں خنجر ہاتھ میں ہے تن کے بیٹھے ہیں
کسی سے آج بگڑی ہے کہ وہ یوں بن کے بیٹھے ہیں
الہٰی کیوں نہیں اٹھتی قیامت ماجرا کیا ہے
ہمارے سامنے پہلو میں وہ دشمن کے بیٹھے ہیں
یہ گستاخی یہ چھیڑ اچھی نہیں ہے اے دل ناداں
ابھی پھر سے روٹھ جائیں گے ابھی وہ من کے بیٹھے ہیں
اثر ہے جذب الفت میں تو کھینچ کر آہی جائیں گے
ہمیں پرواہ نہیں ہم سے اگر وہ تن کے بیٹھے ہیں
======================================

م سجدے تیرے در سے رائیگاں گزرے

تیرے بغیر یہ اب زندگی کہاں گزرے
قدم قدم پہ تیرے ساتھ کا گماں گزرے

یہ دن جو دھیرے سے پھسلا تو شام کا منظر
تیرے بغیر اُداسی کے درمیاں گزرے

وہ اشک ہوں کہ سرِ راہ گِر گیا تھا کبھی
اُٹھا سکا نہ کوئی کتنے کارواں گزرے

میں خشک ہو کہ بِکھرتا رہا ہوں پیروں میں
بہت زمانہ ہُوا مجھ پہ کشتیاں گزرے

تیرے بدن کا آلاؤ ہو میری سانسوں میں
کبھی وہ لمحہ بھی اک بار جانِ جان گزرے

یہ بات اب بھی نہیں ہے کسی سے کہنے کی
تمام سجدے تیرے در سے رائیگاں گزرے

حفیظ آتش

================================================================

مہیں تو سکھ آ گئے میسر، تمھیں تو ھم یاد ھی نہیں ھیں

اجاڑ لمحوں کی داستانیں جو تم کہو تو سنائیں تم کو
بہت سا ھم جاگتے رھے ھیں چلو ذرا سا جگائیں تم کو

تم ھی ھو جو روشنی سی بن کر ھماری آنکھوں میں آبسے ھو
جب اپنی آنکھیں ھی کہ دیا ھے تو پھربھلا کیوں رلائیں تم کو

غبار آلود راستوں میں تلاش کرکر کے تھک گئے ھیں
کہاں پہ جا کے بسے ھوئے ھو، کہاں سے ھم ڈھونڈھ لائیں تم کو

تمہیں تو سکھ آ گئے میسر، تمھیں تو ھم یاد ھی نہیں ھیں
مگر یہ بتاؤ کہ ھم جو چاھیں تو کس ترھ بھلائیں تم کو

کہو کہ جاذب یہ جھوٹ ھے نا کہ تم نے اس کو بھلا دیا ھے
انھی تلک جس کی شوخ یادیں ھر ایک لمحے ستائیں تم کو

============================================================

تھک ہار کے آ بیٹھا ہے دہلیز پہ تیری

کیا سوچتے رہتے ہو سدا رات گئے تک
کس قرض کو کرتے ہو ادا رات گئے تک

تھک ہار کے آ بیٹھا ہے دہلیز پہ تیری
دیدار کا محسن ہے گدا رات گئے تک

یہ کون ہے؟ یوسف سا حسیں ڈھونڈ رہا ہے
یعقوب کوئی محو ِنَدا رات گئے تک

آ طور پہ چلتے ہیں ابھی رات ہے باقی
شاید ہمیں مل جائے خدا رات گئے تک

شمع تیری آمد کو جلائی تھی سر ِشام
ہوتے رہے پروانے فدا رات گئے تک

کچھ عالم ِتنہائی میں اشکوں نے دیا ساتھ
آنکھیں رہیں سیلاب زدہ رات گئے تک

محسن کو شبِ وصل ملا جام بَمشکل
ہو پائے نہ پھر دونوں جدا رات گئے تک

                                                                     1  2  3